Դեկտեմբերի 9-ին տեղի են ունենալու խորհրդարանական պետության առաջին խորհրդարանական ընտրություններն են, որը ձևավորելու է խորհրդարանը և քաղաքական ուժերին, որոնք լինելու են օրենսդիրում և գործադիրում: Այսօր՝ նոյեմբերի 27-ին, քարոզարշավի երկրորդ օրը քաղաքացիների հետ հանդիպմանը հայտարարեց «Լուսավոր Հայաստան» կուսակցության ներկայացուցիչ Մանե Թանդիլյանը:
Տիկին Թանդիլյանը նշեց, որ քաղաքացիներն իրենց քվեով ընտրելու են ԱԺ նախագահին, նախարարներին, դրա համար պետք է մասնակցել ընտրություններին և կերտել ՀՀ ապագան:
ԼՀԿ ներկայացուցիչը հիշեցրեց, որ սա առաջիկա 5 տարիների միակ համապետական ընտրություններն են, քաղաքացիների մասնակցությունը շատ կարևոր է, պետք է մասնակցել պետության կառավարման գործին՝ դա անելով սեփական քվեով:
Թանդիլյանի խոսքերով, դեկտեմբերի 9-ին քաղաքացիները պետք է ձայն տան հենց «Լուսավոր Հայաստանին», եթե ուզում են, որ երեխաներն ունենան անհոգ մանկություն, բարեկեցիկ ընտանիք, արժանապատիվ կյանք ծերերի համար. «Բոլորս միասին կերտենք վաղվա արժանապատիվ Հայաստանը, բոլորս միասին դեպի լուսավոր Հայաստան»։
