Այս տարի հոկտեմբերին Ինդոնեզիայում կործանված Lion Air ավիաընկերության օդանավի սև արկղերի ուսումնասիրությունը ցույց է տվել, որ օդաչուները մինչև վերջին պահը պայքար են մղել վթարից խուսափելու համար: Այս մասին հայտնում է New York Times-ը:
Թերթը գրում է, որ օդաչուները շանս չեն ունեցել կործանումից խուսափելու համար և ի վերջո տեխնիկայի դեմ պայքարում պարտություն են կրել: Օդաչուները մի քանի անգամ օդանավը բարձրացրել են վերև, սակայն այդպես էլ չեն կարողացել վերջնական հաղթանակի հասնել:
Հայտնվում է, որ վթարի պատճառը, ամենայն հավանականությամբ, ցուցիչների հաղորդած սխալ ինֆորմացիան է, որը մոլորության մեջ է գցել օդաչուներին:
Boeing 737 Max 8 օդանավը կործանվեց հոկտեմբերի 29-ին: Ավիավթարի արդյունքում զոհվեց 189 մարդ:
