Ես պահանջում եմ Հայաստանի Հանրապետության ոստիկանությունից, որպեսզի այս տեսանյութի մեջ գտնվող անձի հայտարարությունն ընդունեն որպես հանցագործության մասին հաղորդում և ձեռնարկեն օրենքով սահմանված բոլոր միջոցառումները՝ հայտնաբերելու նրան և սահմանված կարգով պատասխանատվության ենթարկելու:
Միևնույն ժամանակ, հայտնում եմ իմ պատրաստակամությունն աջակցելու քննությանը և դիմելու դատարան՝ ՀՀ քաղաքացիական օրենսգրքով սահմանված կարգով՝ զրպարտության միջոցով իմ պատվին, արժանապատվությանը, բարի համբավին պատճառած վնասը փոխհատուցելու համար:
Ամեն մեկը պիտի պատասխանատու լինի իր արածի և ասածի համար:
Ակնկալում եմ նաև «Լուսավոր Հայաստան» կուսակցության ղեկավարության, ինչպես նաև 1in.am կայքի գլխավոր խմբագիր և սեփականատեր Արման Բաբաջանյանի աջակցությունը՝ հայտնաբերելու այս անձին, նաև գործն ամբողջությամբ և անաչառ լուսաբանելու հարցում:
Արմեն Աշոտյան
