Վրաստանում նախագահական ընտրությունների երկրորդ փուլում հաղթում է «Վրացական երազանք» կուսակցության կողմից աջակցություն ստացած թեկնածու Սալոմե Զուրաբիշվիլին: Այս մասին ընտրատեղամասերի 99,7 տոկոսի ձայների հաշվարկից հետո հայտնում է երկրի ԿԸՀ-ն:
Վրաստանի Կենտրոնական ընտրական հանձնաժողովի նախնական տեղեկություններով, Զուրաբիշվիլիի օգտին քվեարկել է քաղաքացիների 59,56 տոկոսը, նրա մրցակից Գրիգոլ Վաշաձեի՝ 40,44:
Ընտրություններին մասնակցել է ընտրության իրավունք ունեցող քաղաքացիների 56,23 տոկոսը:
Նախկին արտգործնախարար Սալոմե Զուրաբիշվիլին դառնալու է Վրաստանի նորագույն պատմության առաջին կին նախագահը:
