Զանգվածային լրատվամիջոցներով տարածված լուրերն առ այն, թե իբր զինծառայողներին պարտադրում են ՀՀ առաջիկա արտահերթ խորհրդարանական ընտրություններում քվեարկել որևէ ուժի օգտին, իրականությանը չի համապատասխանում:
Ավելի վաղ «168 ժամ» թերթը գրել էր.
«Մեր տեղեկություններով՝ Արցախում իրենց ծառայությունն իրականացնող զինծառայողները զանգահարում են ծնողներին՝ տեղեկացնելով, որ դեկտեմբերի 9-ին ընտրություններին մասնակցելու նպատակով իրենց տեղափոխելու են Գորիս և Կապան, որտեղ կարող են հանդիպել նաև իրենց ծնողների և հարազատների հետ:
Զինվորները ծնողներին ասել են, որ դա կազմակերպում է Նիկոլ Փաշինյանը՝ պայմանով, որ զինվորները կընտրեն «Իմ քայլը» դաշինքին: Մեր աղբյուրների փոխանցմամբ՝ սա համատարած բնույթ է կրում»։
