Թուրքիայում հերթական քաղաքացին է կալանավորվել՝ նախագահ Ռեջեփ Թայիփ Էրդողանին վիրավորելու մեղադրանքով։
Հաթայում որպես ընտանեկան բժիշկ աշխատող Չիչեք Ֆիդանբոյը մեղադրվել է սոցիալական ցանցում և հանրային վայրերում Էրդողանին հրապարակավ վիրավորելու մեջ։
Ոստիկանության կողմից ձերբակալված Ֆինդանբոյն ընդունել է, որ սոցցանցում կատարել է այդ բնույթի գրառումներ։
Ոստիկանության բաժանմունքում հարցաքննությունից հետո Ֆիդանբոյը տեղափոխվել է դատարան, որտեղ նրա նկատմամբ կալանավորման որոշում է կայացվել։
Թուրք բժիշկն այնուհետև տեղափոխվել է Հաթայի փակ ռեժիմի կալանավայր։
Աղբյուր` diken.com.tr