Այս քարոզարշավի ընթացքում մի քաղաքական ուժ փորձում է ամբողջ քարոզարշավը կառուցել քաղաքացիների վախերի վրա: Վարդենիսում քարոզարշավի ժամանակ հայտարարեց «Իմ քայլը» դաշինքի անդամ, ԱԽ քարտուղար Արմեն Գրիգորյանը:
Գրիգորյանի խոսքերով, այդ ուժը 10 տարի գաղջ մթնոլորտում կառավարելուց հետո եկել են այն եզրակացության, որ միայն վախերով կարելի է քաղաքացուն ստիպել ինչ-որ բան անել: Նրանք մնացել են հին Հայաստանում, և քաղաքացիները պետք է նրանց ուղարկեն պատմության աղբանոցը:
Անվտանգության մասով, ԱԽ քարտուղարն ասաց, որ երկրի անվտանգութունը գտնվում է շատ բարձր մակարդակում, ինչի հիմքերից մեկը երկրի վարչապետի նկատմամբ եղած վստահության բարձր մակարդակն է։
Գրիգորյանի խոսքերով, բարձր վստահություն կա նաև ՊՆ-ի, Ազգային անվտանգության և ոստիկանության հանդեպ, ինչը ևս շատ կարևոր է:
