Բրիտանական Center for Economics and Business (CEBR) գիտահետազոտական կենտրոնի տվյալներով՝ 2020 թվականին աշխարհում դոլարային միլիոնատերերի 53 տոկոսը կանայք կլինեն: Նման շրջադարձը նշանակալիորեն կանդրադառնա գործնական աշխարհում և սպառման ոլորտում կնոջ դերի վրա, գրում է inosmi.ru-ն՝ հղում անելով DUNYA-ին:
Այսօր աշխարհի ամենահարուստ կինը, ում անձնական կարողությունը գնահատվում է 30 միլիոն դոլար, համաշխարհային ճանաչում ունեցող L’Oreal կոսմետիկ ընկերության խոշոր բաժնետեր Լիլիան Բետանկուրն է:
Երկրորդ տեղում է ամերիկուհի Քրիսթի Ուոլթոնը (28,2 միլիարդ դոլար)՝ Wal-Mart-ի հիմնադիր Սեմ Ուոլթոնի հարսը:
Այսօրվա դրությամբ՝ աշխարհի ամենահարուստ մարդկանց միայն 10 տոկոսն են կանայք: Բնականաբար, տարբեր երկրներում այս ցուցանիշը զգալիորեն տարբերվում է:
Spear’s Magazine-ի և WealthInsight խորհրդատվական ընկերության հրապարակած զեկույցի համաձայն՝ միլիոնատեր կանանց ամենաբարձր ցուցանիշով երկիրը Պորտուգալիան է (23%): Երկրորդ տեղում է Ֆիլիպինները (21,01%), այնուհետ Պերուն (18,3%), Հոնկոնգը (18%), իսկ հինգերորդ տեղում է Թուրքիան (17,4%):
Forbes-ի համաձայն՝ այսօր աշխարհի ամենահարուստ 29 մարդուց միայն 5-ը, այսինքն՝ 17 տոկոսն է կին: