Գերմանիայի կանցլեր Անգելա Մերկելը G20-ի գագաթաժողովին մասնակցելու համար Արգենտինա է մեկնել սովորական չվերթով: Դա տեղի է ունեցել այն բանից հետո, երբ Բեռլինից օդ բարձրացած կառավարական օդանավի մոտ տեխնիկական խնդիրներ են ի հայտ եկել և այն արտակարգ վայրէջք է կատարել Քյոլնում:
BBC-ի տեղեկություններով, Քյոլնից Մերկելն Արգենտինա պետք է մեկներ մեկ այլ կառավարական օդանավով, սակայն դա հնարավոր չի եղել անել, քանի որ օդանավակայանի գրաֆիկը թույլ չի տվել: Այդ պատճառով Մերկելն իր թիմի հետ նախ թռչել է Մադրիդ, որտեղից էլ սովորական չվերթով շարժվել դեպի Բուենոս Այրես:
Գերմանիայի կանցլերի լուսանկարները հրապարակել են մյուս ուղևորները:
