Դեկտեմբերի 2-ին, ժամը 12:08-ին «911» ծառայությանը տեղեկություն է հաղորդվել, որ Հ-28 ավտոճանապարհի Հրազդան-Հանքավան հատվածի 23-րդ կմ-ի մոտակայքում սկսվել են ճանապարհի մաքրաման աշխատանքները:
Դեպքի վայր է մեկնել ԱԻՆ ՓԾ հրշեջ-փրկարարական ջոկատի օպերատիվ խումբը:
«Հրազդանի ՃՇՇՁ» ԲԲԸ-ի աշխատակիցները իրականացրել են ճանապարհի մաքրման աշխատանքներ (մոտ 16 մ երկարությամբ և 2 մ լայնությամբ):
***
Դեկտեմբերի 1-ին, ժամը 20:12-ին «911» ծառայությանն ահազանգ է ստացվել, որ Հրազդան-Հանքավան ավտոճանապարհին տեղի է ունեցել քարաթափում:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Հ-28 ավտոճանապարհի Հրազդան-Հանքավան հատվածի 23-րդ կմ-ի մոտակայքում՝ լանջից տեղի է ունեցել քարաթափում (մոտ 16 մ երկարությամբ, 4 մ լայնքով և մոտ 1 մ բարձրությամբ), ինչի հետևանքով ճանապարհը դարձել է միակողմանի երթևեկելի:
Փրկարարները կատարել են ճանապարհի մաքրման աշխատանքներ (մոտ 16 մ երկարությամբ, 2 մ լայնքով):
«Հրազդանի ՃՇՇ»-ի աշխատակիցները ճանապարհին տեղադրել են նախազգուշացնող նշաններ, իսկ մաքրման աշխատանքները կիրականացվեն ս.թ. դեկտեմբերի 2-ին:
