ԱՄՆ պետքարտուղար Մայք Պոմպեոն հայտարարել է, որ Ռուսաստանը 60 օր ժամանակ ունի հրթիռային պայմանագրի պահանջների կատարմանը վերադառնալու համար, հակառակ դեպքում Վաշինգտոնը կհրաժարվի կատարել իր պարտավորությունները:
ՌԴ սենատոր Ալեքսեյ Պուշկովը, թվիթերյան իր էջում պատասխանելով ամերիկյան կողմի հայտարարությանը, գրել է, որ ԱՄՆ իշխանությունները վերջնագիր են ներկայացրել իրենց վրայից պատասխանատվությունը գցելու համար:
Պուշկովի խոսքերով, ԱՄՆ-ը գիտի, որ Ռուսաստանը վերջնագրերի լեզվով չի խոսում ու թույլ չի տա իր հետ այդ լեզվով խոսել, դրա համար նման վերջնագիր են ներկայացրել, որպեսզի հետո կարողանան աշխարհին հայտարարել իբր Մոսկվան խախտում է պայմանագիրը, ինչից հետո դուրս կգան դրանից: