ՀԱՊԿ-ի նոր գլխավոր քարտուղարը լինելու է Բելառուսի ներկայացուցիչը: Այս մասին, ինչպես փոխանցում է armeniasputnik-ը, հայտարարել է Բելառուսի նախագահ Ալեքսանդր Լուկաշենկոն:
«Մենք պայմանավորվել ենք հարցի շուրջ, թե ինչպես է դա տեղի ունենալու՝ անհատական զրույց՝ ՀԱՊԿ-ի յուրաքանչյուր ղեկավարի հետ, և նրանք ստորագրում են այդ որոշումը»,-ասել է Լուկաշենկոն:
Ինչ վերաբերում է Հայաստանի դիրքորոշմանը, Բելառուսի նախագահը հայտարարել է, որ չի կարող Երևանի փոխարեն պատասխանել:
ՀԱՊԿ նիստը, ամենայն հավանականությամբ տեղի կունենա հաջորդ շաբաթ Մոսկվայում:
Ավելի վաղ ՀՀ վարչապետի պաշտոնակատար Նիկոլ Փաշինյանը հայտարարել էր, որ գլխավոր քարտուղարի հարցը երկրորդական, երրորդական, նույնիսկ հիսուներորդական հարց է: Թող այնտեղ հավերժ լինի Բելառուսի ներկայացուցիչը, բայց մեր փոխադարձ բոլոր պարտավորությունները կատարվեն: