Ավստրալիայում, լրագրողներից մեկին հեռացրել են խորհրդարանում տեղի ունեցող մամուլի ասուլիսից բաց հագուստի համար։ Այս մասին հայտնում է ՌԻԱ Նովոստին։
Լրագրող Պատրիսիա Կառվելասը թվիթերյան իր էջում հայտնել է, որ խորհրդարանում նրան խնդրել են լքել մամուլի ասուլիսը՝ բաց հագուստի պատճառով: Վերջինս համացանցում հրապարակել է լուսանկար, որում երևում է, թե ինչ հագուստով է եղել նա այդ օրը․ «Ինձ հենց նոր հեռացրեցին խորհրդարանից, քանի որ իբր երևում է մարմնի շատ բաց հատվածներ։ Սա խենթություն է»,-գրել է նա։
Վերոնշյալ հրապարակմանն արձագանքել են բազմաթիվ օգտատերեր՝ նշելով, որ լրագրողի արտաքինում ոչ մի արտառոց բան չկա․ «Դուք կատակո՞ւմ եք: Խնդրում եմ ասեք ինձ, որ դուք կատակում եք»,-գրել է մի օգտատեր:
«Իսկապես աբսուրդ է, ոչ թե քո հագուստը, այլ կանոնը»,-լրագրողի գրառմանն արձագանքել է նախկին պատգամավոր Քրեյգ Էմերսոնը։
I have just been kicked out of #QT because you can allegedly see too much skin. His insane #Auspol pic.twitter.com/51KipESXlG
— PatriciaKarvelas (@PatsKarvelas) December 3, 2018
