Վրաստանի ՊՆ, նախագահի աշխատակազմի և հարկային ծառայության աշխատակցուհիները կոշտ քննադատության են արժանացել ռուսական «Слобода» ապրանքանիշի գովազդում նկարահանվելու համար: Այս մասին հայտնում է Netgazeti.ge-ը:
Նշվում է, որ վրացի չինովնիկները նկարահանվել են City ամսագրի համար: Նրանց խոսքերով, իրենք չեն իմացել, որ նկարահանվում են ռուսական ապրանքանիշի գովազդում: Լուսանկարների հրապարակումից հետո, երբ վիրավորական մեկնաբանություններ են գրվել, հոդվածը հեռացվել է:
Իր հերթին ամսագրի հիմնադիր Էկա Հապերիան հայտարարել է, թե չինովնիկներն իմացել են, որ նկարահանվում են ռուսական ապրանքանիշի համար:
Հիշեցնենք, որ Վրաստանը Ռուսաստանի հետ դիվանագիտական հարաբերությունները խզել է 2008 թվականին:
