Գլխավոր քարտուղարի պաշտոնն ամենակարևորը չէ, քանի որ այսպես թե այնպես Հայաստանի ժամկետը պետք է սպառվի: Լրագրողների հետ զրույցում հայտարարել է ՀՀ վարչապետի պաշտոնակատար Նիկոլ Փաշինյանը՝ խոսելով ՀԱՊԿ գլխավոր քարտուղարի շուրջ ստեղծված իրավիճակի մասին. «Ենթադրենք, թե հիմա Խաչատուրովն էր, նա 2020 թվականին էլ գլխավոր քարտուղար չէր լինելու»:
Փաշինյանի խոսքերով, շատ ավելի լուրջ խնդիրներ կան, որոնք լուրջ ձևով քննարկվում են և ԵԱՏՄ տնտեսական խորհրդի վերջին նիստում շատ լուրջ խոսակցություն է եղել:
Ինչ վերաբերում է ներդրումներին, վարչապետի խոսքերով, նրանք գալիս են ու կգան այսուհետ ևս:
