Եվրամիությունը ճանաչում է Հայաստանում կայացած արտահերթ ընտրությունների արդյունքները և պատրաստ է համագործակցել նոր խորհրդարանի հետ: Այս մասին ասված է ԵՄ արտաքին քաղաքականության ծառայության տարածած հայտարարության մեջ:
Հայտարարության մեջ նշվում է, որ ընտրությունները կայացել են հիմնարար ազատությունների պահպանմամբ, ստացել են հասարակության լայն վստահությունը, ինչն անհրաժեշտ է հետագա ընտրական բարեփոխումների համար: Ասված է նաև, որ ԵՄ-ն աջակցում է Հայաստանի հետագա ժողովրդավարացումը և մոդերնիզացիան:
Եվրամիությունը Հայաստանի նոր խորհրդարանի, ինչպես նաև արդյունքում ձևավորված կառավարության հետ համագործակցելու հույս ունի, ինչը թույլ կտա ամրապնդել քաղաքական ու տնտեսական հարաբերությունները՝ հիմնված Հայաստանի և ԵՄ-ի միջև խորը և համապարփակ համագործակցության մասին համաձայնագրի վրա: