1995 թվականի սեպտեմբերին հայրս մահացավ, քառասունքը չլրացած, Մանվելի ախպոր տղերքը եկան զենքը պահեցին վրաս, ասեցին վաուչերները ստորագրիր, նվիրիր մեզ: Այսօր՝ դեկտեմբերի 11-ին, լրագրողների հետ հանդիպման ժամանակ հայտարարեց քաղտեխնոլոգ Կարեն Քոչարյանը՝ խոսելով Հայաստանում հնարավոր նոր սեփականության վերաբաշխման մասին և հայտարարելով, որ երբեք այդ մասին չի ասել, իսկ հիմա «պուբլիչնի» ասում է:
Քոչարյանը նշեց, որ որևէ մեկին չի դիմելու, սակայն եթե դիմի ու այդ սեփականությունը վերադարձնեն իրեն, դա կլինի վերաբաշխո՞ւմ, թե արդարության վերականգնում. «Եթե ասում եք վերաբաշխում, հարց եմ տալիս, ի՞նչ է դա»:
Իր հերթին նախկին ՄԻՊ Հրանուշ Խառատյանը նշեց՝ եթե ինչ-որ միջոցներ վերադարձվեն բյուջե, դա սեփականության վերաբաշխում չի լինի, դա ինչ-որ չափով երկրում տեսական կյանքի կարգավորման գործընթաց է: Նրա խոսքերով, պետք է արագ որոշվի, թե նախկինում ինչ է խլվել ինչ-որ մարդկանց կողմից, պետք է փորձ արվի լուծել այդ հարցերը: