Վրաստանի իշխանությունները չեն ընդունել երկրում ԱՄՆ դեսպանի պաշտոնի համար Բրիջիթ Բրինքի թեկնածությունը, քանի որ վերջինս չափազանց լավ վերաբերմունք ունի նախկին նախագահ Միխեիլ Սաակաշվիլիի նկատմամբ: Այս մասին հայտնում է Foreign Policy-ը՝ հղում անելով մի քանի դիվանագիտական աղբյուրի:
Պարբերականի զրուցակիցները հայտնել են, որ այս որոշման հետևում կանգնած է երկրի նախկին վարչապետ Բիձինա Իվանիշվիլին, ում աջակցությամբ նախագահ ընտրվեց Սալոմե Զուրաբիշվիլին:
ԱՄՆ պետքարտուղարությունն ու Վրաստանի կառավարությունը հրաժարվել են մեկնաբանություններ տալ: