Ամբողջ աշխարհում Marriott International Inc ցանցի հյուրանոցների վրա կատարված հաքերային հարձակման հետևում, որի արդյունքում ավելի քան 500 միլիոն մարդու տվյալների արտահոսք եղավ, կանգնած են չինացի հաքերները: Այս մասին գրում է The New York Times-ը:
Պարբերականի տեղեկություններով, հաքերներն աշխատել են Չինաստանի պետական անվտանգության նախարարության համար:
Վերոնշյալ հարձակման մասին հայտնի դարձավ նոյեմբերի վերջին: Արտահոսք եղել է հյուրանոցային ցանցի այցելուների անձնագրային համարների, հեռախոսային համարների, էլեկտրոնային փոստերի, ծննդյան տարեթվերի մասով: Հնարավոր է, որ որոշ տուժողների մասով արտահոսք է եղել նաև բանկային հաշիվների հարցում, չնայած այս փաստը հաստատված չէ:
Ենթադրվում է, որ հաքերները վերոնշյալ ինֆորմացիային տիրապետել են 2014 թվականից:
Ընկերությունը փոխհատուցում է բոլոր ծախսերը: