Հայաստանում ԱՄՆ դեսպանությունը կոչ է արել իր քաղաքացիներին զգոնություն ցուցաբերել արձակուրդի ժամանակ Հայաստան այցելելիս: Այս մասին հայտնում է ՌԻԱ Նովոստին:
Դեսպանատունը մասնավորապես նշել է, որ տարվա այս ժամանակահատվածում կարող է աճել գողությունների, գրպանահատություններ և բնակարանային գողությունների թիվը:
Դիվանագիտական առաքելությունը նշել է, որ առկա է մշտական վտանգ անդրազգային ահաբեկչական կազմակերպությունների և առանձին անձանց կողմից, ովքեր կարող են ոգեշնչված լինել ծայրահեղական գաղափարախոսությունից:
«Ծայրահեղականները շարունակում են իրենց ուշադրությունը կենտրոնացնել տուրիստական կետերում՝ առևտրի կետերում, օդանավակայաններում, ակումբներում, ռեստորաններում, տրանսպորտային հանգույցներում և այլն»,-ասված է հայտարարության մեջ:
Իր հերթին ՀՀ Ոստիկանության հասարակայնության հետ կապերի վարչության պետ Աշոտ Ահարոնյանը նշել է, որ Հայաստան օպերատիվ իրավիճակը գտնվում է վերահսկողության տակ և երկիրն անվտանգ է զբոսաշրջիկներ համար: