Դեկտեմբերի 13-ին երեկոյան ֆրանսիական ոստիկանության աշխատակիցները գնդակահարել են Ստրասբուրգի ահաբեկչին: Այս մասին հայտնում է Le Figaro-ն՝ հղում անելով իր աղբյուրին:
Նախնական տեղեկություններով, Շերիֆ Շեքաթը սպանվել է Նեդորֆ թաղամասում, փոխհրաձգության արդյունքում:
France 24-ն իր հերթին հայտնում է, որ ահաբեկչի լիկվիդացումից հետո մոտակայքում գտնվող քաղաքացիները սկսել են ծափահարել ոստիկաններին:
Հեռուստաընկերության լրագրողները հայտնում են, որ 3 մարդու սպանած ահաբեկիչը սպանվել է սեփական տանը:
Հավելենք՝ ԻՊ-ն հայտարարել է, որ Շեքաթը եղել է իրենց զինվորը, սակայն որևէ ապացույց չի ներկայացրել:
