Մինչև այս շաբաթվա վերջ պարզ է լինելու, թե Իմ քայլը դաշինքից ով կլինի գործադիրում, ով կգնա օրենսդիր: Այս մասին հայտարարել է ՀՀ փոխվարչապետի պաշտոնակատար Տիգրան Ավինյանը:
Հիշեցնենք, որ արտահերթ խորհրդարանական ընտրությունների արդյունքում դաշինքը խորհրդարանում ունենալու է 88 մանդատ:
Ավինյանը նշել է, որ որոշումներ կայացնելիս նկատի են ունենալու տվյալ գործչի հմտությունները, ունակություններն ու այն, թե ով որտեղ ավելի շատ օգտակար կլինի:
Փոխվարչապետի պաշտոնակատարի խոսքերով, քննարկումներ ընթանում են նաև ԱԺ ապագա նախագահի մասով, կան անուններ և այս շաբաթվա մեջ ամեն ինչ կհայտնվի:
