ԱՄՆ մի խումբ սենատորներ դիմել են նախագահ Դոնալդ Թրամփին՝ կոչ անելով փոխել որոշումը, որի համաձայն, ամերիկյան զորքերը դուրս են բերվելու Սիրիայից: Այս մասին գրում է «The Hill»-ը:
Սենատորների կարծիքով, ամերիկյան զորքերի դուրս բերումը թույլ կտա ԻՊ-ին կրկին ակտիվանալ: Բացի դրանից, նրանք վստահ են, որ Սիրիային սպառնում են ոչ միայն ահաբեկիչները, այլ նաև նախագահ Ասադի իշխանությունը:
Ամերիկացի սենատորները նաև մտավախություն ունեն, որ ամերիկյան զորքերի հեռանալու արդյունքում ակտիվանալու են Իրանն ու Ռուսաստանը: Օրենսդիրները կոչ են արել Թրամփին չկրկնել նախորդ իշխանությունների սխալները:
Համապատասխան նամակի տակ ստորագրել են Լինդսի Գրեմը, Ջոն Էրնսթը, Թոմ Քոթթոնը, Մարկո Ռուբիոն, Ջոն Շեյհին և անկախ գործիչ Անգուս Քինգը:
Սիրիայից ամերիկյան զորքերը դուրս բերելու մասին Սպիտակ տան որոշման մասին հայտնի դարձավ դեկտեմբերի 20-ին:
