Այս պահին Բելառուսի ԱԽ քարտուղար Ստանիսլավ Զասի այց Հայաստան չի նախատեսվում: Այս մասին քիչ առաջ լրագրողների հետ ճեպազրույցի ժամանակ հայտարարեց ՀՀ ԱԳՆ խոսնակ Աննա Նաղդալյանը:
Ինչ վերաբերում է նրան, թե ինչ փուլում են բանակցությունները ՀԱՊԿ գլխավոր քարտուղարի հարցի շուրջ, ԱԳՆ խոսնակն ասաց, որ հարցը դեռ վերջնական լուծում չի ստացել:
Նշենք, որ գլխավոր քարտուղարի թեկնածու Զասն արդեն հասցրել է լինել Տաջիկստանում, Ղազախստանում և Ղրղզստանում՝ ստանալով այդ երկրների ղեկավարների աջակցությունը: Նա պետք է այցելի ՀԱՊԿ անդամ բոլոր երկրներ:
