Երևանի քաղաքապետ Հայկ Մարությանի խորհրդական Կամո Արեյանը չի ցանկանում գնահատականներ տալ Երևանի նոր իշխանությունների հայտարարություններին, որոնք նախկին իշխանություններին մեղադրում են ծախսերի հարցում ուռճացումների մեջ:
Ազատության հետ զրույցում Արեյանը նշեց, որ ինքը չի հրաժարվում նրանից, որ եղել է Երևանի փոխքաղաքապետ, չի մոռանում դա, չի խուսափում, չի ուրանում ով է եղել, ինչ է եղել. «Ոչնչից չեմ խուսափում, հիշողությունս էլ չի խամրել»:
Հարցին, թե ճիշտ է արդյո՞ք, որ ծախսերն ուռճացված են եղել, Արեյանը հայտարարեց, որ դրանք նույնիսկ քիչ են եղել. «Մասնավորապես վերելակների մասով դրանք ընթացիկ նորոգման ծախսեր են եղել, խիստ հրատապ անհետաձգելի վերանորոգումների համար, վերելակների վթարներից խուսափելու համար»:
