ՌԴ նախագահի մամուլի խոսնակ Դմիտրի Պեսկովը խոսել է Սիրիայից ամերիկյան զորքերի հեռանալու մասին: Այս մասին փոխանցում է Ինտերֆաքս գործակալությունը:
«Մենք պետք է հասկանանք, թե երբ, ինչպես ու ուր են գնալու ամերիկացիները: Սա դեռ անհասկանալի է»,-ասել է Կրեմլի ներկայացուցիչը:
Պեսկովի համար անհասկանալի է «հաջորդ փուլ» ձևակերպումը, որը կա ամերիկյան հայտարարության մեջ:
Ավելի վաղ ամերիկյան իշխանությունները հայտարարել էին Սիրիայից զորքերը դուրս բերելու մասին՝ նշելով, որ դա ահաբեկչության դեմ պայքարի նոր փուլն է:
Իր հերթին ՌԴ ԱԳ նախարար Սերգեյ Լավրովը ողջունել է ամերիկյան որոշումը՝ հայտարարելով, որ դա քայլ է ճիշտ ուղղությամբ՝ միևնույն ժամանակ կոչ անելով սպասել հասկանալու համար իրավիճակը:
