Մեկնարկել է Երևանի ավագանու հերթական նիստը: Այսօրվա նիստի օրակարգում է նաև Երևանի 2019 թվականի բյուջեի նախագիծը, որով մի շարք փոփոխությունների հետ մեկտեղ առաջարկվում է նվազեցնել վերելակներին, տրանսպորտին տրամադրվող ծախսերը՝ դրա փոխարեն ավելացնելով օրինակ պարգևատրումների և գործուղումների գումարը:
Նիստի մեկնարկին ԲՀԿ խմբակցության անդամ Արման Աբովյանն առաջարկեց օրակարգից հանել բյուջեի մասին նախագիծը: Քվեարկության արդյունքում առաջարկությանը դեմ արտահայտվեց ավագանու 41 անդամ, կողմ՝ 7, ձեռնպահ՝ 3:
Ավագանին նիստը շարունակում է մինչ այդ հրապարակված օրակարգով: