ՌԴ նախագահ Վլադիմիր Պուտինը կարգադրել է ստորագրել ՀԱՊԿ կանոնադրության մասին պայմանագրի մեջ փոփոխություններ կատարելու մասին պրոտոկոլը: Այս մասին հայտնում է rusarminfo-ն:
Պրոտոկոլի նախագծի համաձայն, կազմակերպության հավաքական անվտանգության խորհրդի կազմում կարող են ընդգրկվել ոչ միայն անդամ երկրների ղեկավարները, այլ նաև՝ վարչապետերը:
Պրոտոկոլի նախագիծը պայմանավորված է Հայաստանում 2015 թվականին տեղի ունեցած Սահմանադրական բարեփոխումներով, ինչի արդյունքում Հայաստանը դարձավ խորհրդարանական երկիր, իսկ վարչապետը՝ երկրի ղեկավար:
Մեկ այլ պրոտոկոլով էլ ներդրվում է «կազմակերպության գործընկեր» հասկացությունը: Խոսքը վերաբերում է այն երկրներին և կազմակերպություններին, որոնք կորոշեն ՀԱՊԿ-ի հետ փոխշահավետ համագործակցություն վարել փոխադարձ հետաքրքրություն ներկայացնող հարցերում:
