Գազպրոմ ընկերության ղեկավար Ալեքսեյ Միլլերը ՀՀ փոխվարչապետի պաշտոնակատար Մհեր Գրիգորյանի հետ քննարկել է 2019 թվականին Հայաստան գազի մատակարարման հարցը: Այս մասին ասված է ընկերության մամուլի ծառայության հայտարարության մեջ:
Հանդիպումը տեղի է ունեցել այսօր՝ դեկտեմբերի 28-ին, Սանկտ Պետերբուրգում:
Բանակցությունների ընթացքում կողմերը խոսել են երկկողմ համագործակցության հետագա զարգացման մասին: Խոսքը մասնավորապես վերաբերում է 2019 թվականին Հայաստանին մատակարարվող գազին:
Կողմերը նաև խոսել են Հայաստանի գազաֆիկացիայի, Հայաստանի տարածքում գազի ստորգետնյա պայմաններում պահելու մասին:
