Շոտլանդիայում 6-ամյա աղջնակը մի ամբողջ օր քայլել է Գլազգոյի փողոցներում՝ տաք սուպ ու նվերներ բաժանելով անտուն մարդկանց: Այս մասին հայտնում է The Daily Mail-ը:
Փոքրիկ Փերլա Ռոուզ Մաքգոուենը որոշել է օգնել անտուններին , երբ ծնողների հետ տուն վերադառնալու ճանապարհին տեսել է փողոցում քնած մարդու: Հաջորդ օրը աղջնակը պատրաստել է նվերները ու խնդրել պապիկին օգնել իրեն դասավորել դրանք:
Երեխայի ակցիային միացել են նաև տատիկն ու պապիկը, ինչպես նաև ծնողները: Նրանք նվերները նախ բաժանել են ավտոբուսով շրջելով, սակայն ավելի ուշ դա սկսել են անել արդեն քայլելով:
Փոքրիկ Փերլան խոստովանել է, որ դա եղել է իր կյանքի ամենահիշարժան օրերից մեկը՝ հայտնելով նաև, որ նվեր ստացողներից մեկը նույնիսկ արտասվել է :