Մհեր Ենոքյանը Իոսիֆ Աղաջանովի սպանության մասին պատմելիս էմոցիա գրեթե չի արտահայում, սառնասրտության ու ինքնատիրապետման բացառիկ դրսևորում: Այս մասին ֆեյսբուքյան իր էջում գրել է ԱՀ նախկին ՄԻՊ Ռուբեն Մելիքյանը:
«Դիտեցի Իոսիֆ Աղաջանովի դաժան սպանության վերաբերյալ տեսագրությունը։ Այնտեղ Մհեր Ենոքյանը և Արամ Հարությունյանը, մասնակցելով քննչական գործողությունների, մանրամասն խոստովանում են հանցանքը։
Ուշադրությունս գրավեց մի հանգանք - Մհերը, պատմելով հանցանքի դետալները, էմոցիա գրեթե չի արտահայում։ Սառնասրտության ու ինքնատիրապետման բացառիկ դրսևորում։
Տեսանյութը այստեղ չեմ տեղադրում։ Եթե ցանկանում եք դիտել ու տեղը չգիտեք, մեսիջ գրեք, կուղարկեմ»,-գրել է Մելիքյանը:
Հավելենք, որ դաժան սպանության համար ցմահ ազատազրկման դատապարտված Ենոքյանը շուտով կարող է ազատ արձակվել: Արդարադատության նախարարության համապատասխան հանձնաժողովն արդեն տվել է դրական եզրակացություն:
