ԱՄՆ նախագահ Դոնալդ Թրամփը հայտարարել է, որ դեմոկրատների հետ ունեցած տարաձայնությունների պատճառով ստիպված է չեղյալ համարել Դավոսում համաշխարհային տնտեսական ֆորումին իր մասնակցությունը:
Խոսքը մասնավորապես վերաբերում է Մեքսիկայի հետ սահմանին պատի կառուցման մասով ԱՄՆ-ի ներսում գոյություն ունեցող տարաձայնություններին:
Թրամփը լավագույնն է մաղթել ֆորումին և ներողություն խնդրել չմասնակցելու համար:
Ավելի վաղ Թրամփն արդեն հայտնել էր, որ ստիպված է լինելու չեղյալ համարել Դավոսի ֆորումին իր մասնակցությունը, եթե չկարողանա վերջ տալ շաթդաունին: