Ռուսաստանը կասկածի տակ չի դնում Բելառուսի հետ ռազմավարական փոխգործակցության ընդլայնման քաղաքականությունը: Այս մասին այսօր՝ հունվարի 11-ին, հայտարարել է ՌԴ ԱԳ նախարարության պաշտոնական ներկայացուցիչ Մարիա Զախարովան:
Զախարովան նշել է, որ Բելառուսը Ռուսաստանի հուսալի դաշնակիցն է ու գործընկերը. «Դա մասնավորապես ամրագրված է մեր արտաքին քաղաքականության մասին փաստաթղթում»:
Ավելի վաղ Բելառուսի նախագահ Ալեքսանդր Լուկաշենկոն հայտարարել էր, որ Ռուսաստանը կարող է կորցնել արևմտյան ուղղությամբ իր միակ դաշնակցին, եթե զիջումների չգնա նավթի շուկայում իր հարկային նոր քաղաքականության հարցում: