Տեխասում ամերիկյան SpaceX ընկերությունը մեկնարկային դիրքի է բերել Starship հրթիռի առաջին թռիչքային նախատիպը: Լուսանկարը թվիթերյան իր էջում հրապարակել է ընկերության ղեկավար Իլոն Մասկը:
Մասկի խոսքերով, ներկայացված նմուշը նախատեսված է ենթաուղեծրային թռիչքների համար, մինչդեռ ուղեծրային թռիչքների համար նախատեսված տարբերակը կզինվի առավել ամուր ծածկույթով՝ արտաքին ազդեցություններին դիմակայելու համար:
Ավելի վաղ, 2018 թվականի նոյեմբեր ամսին Մասկը հայտարարել էր, որ ընկերության կողմից մշակվող Big Falcon Rocket բազմանգամյա տիեզերական փոխադրման համակարգը ստացել է Starship անվանումը: Փոփոխությունների ենթարկված հրթիռի փորձարկումները նախատեսվում է իրականացնել 2019-ին:
Նշվում է, որ Big Falcon Rocket համակարգի բազմանգամյա տարբերակը նախատեսված է շուրջ 150 տոննա օգտակար բեռ մերձմոլորակային ուղեծիր հասցնելու համար:
SpaceX first Starship hopper under Texas Boca Chica Beach's cloudy sky.@elonmusk #Starship #SpaceX pic.twitter.com/hVg5Ken7Vp
— Evelyn Janeidy Arevalo (@JaneidyEve) January 10, 2019
