Բրիտանական The Guardian պարբերականն անդրադարձել է Լաս Վեգասում անցկացված CES 2019 տեխնոլոգիական ցուցահանդեսին, որի ընթացքում հայտնի ընկերությունները ներկայացրել են տեխնոլոգիական նորարարություններ:
Այսպես․
Գլանակի պես փաթաթվող հեռուստացույց
Հարավկորեական LG ընկերությունը ներկայացրել է Signature OLED TV R9 հեռուստացույցը: OLED էկրանով այս հեռուստացույցն անջատելուց հետո, այն ծալվելով հավաքվում է տակդիրի մեջ և մնում է միայն ուղղանկյունաձև տակդիրը: Նշվում է, որ հեռուստացույցը վաճառքում կհայտնվի ընթացիկ տարվա երկրորդ կեսին։
«Խելացի» զուգարան
Ամերիկյան Kohle ընկերությունը ներկայացրել է Numi 2.0 Intelligent Toilet զուգարանը՝ համալրված բարձրախոսներով, ինչպես նաև Alexa ձայնային կառավարման համակարգով: Զուգարանից օգտվելուց հետո կարելի է ասել. «Ալեքսա, իմ փոխարեն ջուրը քաշիր»:
Մարդու մարմնի ջերմությամբ լիցքավորվող «խելացի» ժամացույց
Matrix PowerWatch 2 «խելացի» ժամացույցը լիցքավորվում է անմիջապես կրողի մարմնի ջերմությամբ: Ժամացույցը ջրակայուն է, ունի գունավոր էկրան, ցույց է տալիս հեռախոսին ստացվող ծանուցումները, հետևում է կրողի առողջական վիճակին:
iTunes-ին հասանելիությամբ Samsung TV
Հարավկորեական Samsung ընկերությունը ներկայացրել է նոր «խելացի» հեռուստացույց՝ համալրված iTunes երաժշտական հավելվածով:
Քայլող մեքենա
Հարավկորեական Hyundai ընկերությունը ներկայացրել է մեքենա՝ համալրված ռոբոտային ոտքերով: Անհրաժեշտության դեպքում վարորդը կարող է ակտիվացնել ռոբոտային ոտքերի ռեժիմը, և մեքենան կքայլի:
Ավտոմատ դիմահարդարում
Ամերիկյան Opté Precision Skincare System կոչվող սարքը սքանավորում է դեմքը, որոշում դրա հստակ գույնը, մաշկի պիգմենտացիան, թերություններն ու հետո հարդարում այն քանակությամբ պարագաներով, որքան բավական է թերությունները քողարկելու համար
