Վաղը տեղի կունենա նոր Ազգային ժողովի առաջին նիստը: Այս խորհրդարանն ամենաերիտասարդ խորհրդարաններից մեկն է, եթե ոչ ամենաերիտասարդը, ինչն էլ պատճառներից մեկն է, որ այն, դեռ իր լիազորությունները չսկսած, հայտնվել է որոշակի քննադատությունների թիրախում:
Նոր Ազգային ժողովի կյանքի մեկնարկին ընդառաջ ծաղրանկար է հրապարակել հայտնի Medialab-ը՝ որի թիրախում ևս պատգամավորների տարիքն է:
Հիշեցնենք, որ խորհրդարանի ամենաերիտասարդ պատգամավորն Իմ քայլը դաշինքի ներկայացուցիչ Սոնա Ղազարյանն է, ով ընդամենը 25 տարեկան է և այդ տարիքում, իր խոսքերով, արդեն հասցրել է երկու շարժման համահեղինակ լինել:
