ԱԺ ԼՀԿ խմբակցությունն ԱԺ նախագահի ընտրությունների ընթացքում կողմ է քվեարկելու Իմ քայլը խմբակցության թեկնածու Արարատ Միրզոյանին: Խորհրդարանում հայտարարեց խմբակցության ղեկավար Էդմոն Մարուքյանը:
Մարուքյանը նշեց, որ իրենց ձայնը տալիս են Միրզոյանին՝ չիմանալով, թե ինչպիսի խոսնակ է վերջինս լինելու: ԼՀԿ առաջնորդի խոսքերով, իրենց ձայնը կրեդիտ է, որը Միրզոյանը ստանում է, և միայն ժամանակը ցույց կտա, թե ինչպես վերջինս կնախագահի:
Էդմոն Մարուքյանը նաև հայտնեց, որ իր ղեկավարած խմբակցությունը մասնակցելու է ԱԺ ընդդիմադիր փոխխոսնակի ընտրություններին՝ առաջադրելով Մանե Թանդիլյանի թեկնածությունը:
