Թե հեղափոխությունից առաջ, թե դրանից հետո մեր քաղաքական թիմը հայտարարել է, որ Հայաստանի արտաքին քաղաքական ուղղություններում կտրուկ փոփոխություններ տեղի չեն ունենալու: Այս մասին խորհրդարանում հայտարարել է ԱԳ նախկին փոխնախարար, ԱԺ Իմ քայլը խմբակցության պատգամավոր Ռուբեն Ռուբինյանը՝ հավելելով, որ Հայաստանը շարունակելու է մնալ ԵԱՏՄ և ՀԱՊԿ անդամ:
Ռուբինյանի խոսքերով, հիմա ԵԱՏՄ-ից դուրս գալու մասին խոսք լինել չի կարող. «Սա մի հարթակ է, որը մենք կարող ենք և պետք փորձենք դարձնել առավելագույնս արդյունավետ և օգուտներ քաղենք Հայաստանի Հանրապետության համար»:
Հավելենք, որ Ռուբեն Ռուբինյանն այսօր ընտրվելու է ԱԺ արտաքին հարաբերությունների մշտական հանձնաժողովի նախագահը: