«Բարգավաճ Հայաստանը» վարչապետի հրաժարականի վերաբերյալ որևէ մեկնաբանություն չի անում: Այս մասին Tert.am-ին հայտնեց «Բարգավաճ Հայաստան» խմբակցության քարտուղար Նաիրա Զոհրաբյանը՝ ասելով. «Որևէ մեկնաբանություն այս թեմային և դրան առնչվող, դրա հետ կապակցված, զուգորդված, փոխկապակցված, դրանից բխող, ենթադրվող հարցերին ԲՀԿ-ն չի պատասխանում»:
Ի պատասխան հարցի, թե ինչու՞, Նաիրա Զոհրաբյանը նշեց, որ դա ևս առնչվող հարց է:
Ինչ վերաբերում է հարցին, թե դա իր համար անակնկա՞լ էր, Նաիրա Զոհրաբյանը համաձայնեց պատասխանել և ասաց. «Ինձ համար՝ ոչ»:
Ի պատասխան դիտարկման, որ մամուլում կան հրապարակումներ, որ այսօր, ժամը 15:00-ին ԲՀԿ-ն քաղխորհրդի նիստ է հրավիրել, որը կվարի Գագիկ Ծառուկյանը, Նաիրա Զոհրաբյանն ասաց, որ ԲՀԿ քաղխորհրդի նիստ ծրագրված չի եղել և նախատեսված չէ։