Գերմանական ARD-ը սխալմամբ ՌԴ ԱԳ նախարար Սերգեյ Լավրովին ներկայացրել է որպես Գերմանիայի արտաքին գործերի նախարար:
Համացանցում տարածված տեսնայութում լսվում է, թե ինչպես է ասվում. «Մեր արտաքին գործերի նախարար Լավրովը, Լավրովը, ոչ…Հայկո Մաասը: Դեռ դրան գործը չի հասել»:
Թյուրիմացությունից հետո ներկաները սկսել են ծիծաղել, իսկ ՌԴ ԱԳ նախարարը կատակել է. «Վերջ, հիմա ես հաստատ կմեղադրվեմ նրանում, որ մենք ցանկանում ենք բռնազավթել Գերմանիան»:
Իսկ հետո Լավրովն ավելի լուրջ է խոսել՝ հայտարարելով, որ պատրաստվում է Մաասի հետ խոսել Ուկրաինայի և Սիրիայի մասին: