«Կենտրոն» հեռուստաընկերության հաղորդավար Պետրոս Ղազարյանը ֆեյսբուքյան գրառմամբ անդրադարձել է ՀՀ վարչապետի հրաժարականին։
«Վերջին 10 օրում մի քանի երիտհանրապետական անմռունչ ժպիտով հեգնում էին, որ վարչապետի հրաժարականի պատճառ չկա, որ կառավարությունն ու իրենք Կարեն Ավագյանի երիտասարդության նման անսասան և կուռ են։
Երեկվանից նույն լուրջ դեմքով ասում են՝ դեռևս փետրվարից հրաժարականի դիմում կար։
Ընդ որում՝ ոչ ոք չգիտի՝ ինչու հրաժարական տվեց վարչապետը, ով է լինելու հաջորդը։
Տղերքը ոչինչ չգիտեն, ոչ մի բանի համար պատասխանատու չեն, իրենց կուսակցության նախագահն իրենց բանի տեղ չի դնում։ Բայց իրենք դեպուտատ են, նախարար։ Կյանքը հեշտ, ապրուտը՝ ձրի։ Դեմքերի արտահայտությունն էլ՝ լուրջ։
Լուրջ ֆեյքեր»,- սոցկայքում գրել է մեկնաբանը։
