Ուկրաինան դիտարկում է Սթոքհոլմի առեւտրային պալատի արբիտրաժային ինստիտուտ հայց ներկայացնելու հնարավորությունը՝ Ռուսաստանի կողմից գազի սակագնի բարձրացման հետ կապված։ Այս մասին կառավարության նիստի մեկնարկին ասել է Ուկրաինայի վարչապետ Արսենի Յացենյուկը։
Մենք ռուսական մոնոպոլիստ «Գազպրոմի» հետ իրավահարաբերություններում կկիրառենք իրավիճակի կարգավորման բոլոր միջոցները, այդ թվում՝ միջազգային-իրավական»,-Յացենյուկի խոսքերն է փոխանցում ՈՒՆՆ-ն։
Իր հերթին էներգետիկայի եւ արդյունաբերության նախարար Յուրի Պրոդանը նշել է, որ Ուկրաինան մտադիր է շարունակել բանակցությունները «Գազպրոմի» հետ՝ գազի սակագնի վերաբերյալ:
Դատական հեռանկարի վերաբերյալ լրագրողների հարցին Պրոդանը պատասխանել է, որ չի բացառում նման հնարավորությունը: