Հայաստանի նախագահ Սերժ Սարգսյանը շնորհավորական ուղերձ է հղել մայրության եւ գեղեցկության տոնի առթիվ:
Ուղերձում ասվում է.
«Սիրելի՛ մայրեր,
Սրտանց շնորհավորում եմ ձեզ Մայրության եւ գեղեցկության տոնի կապակցությամբ:
Բոլոր ժամանակներում եւ գրեթե բոլոր հասարակություններում մայրության նկատմամբ եղել է եւ կա պաշտամունքի հասնող վերաբերմունք: Հայ իրականությունն ու ավանդույթները նույնպես դրա վառ արտահայտությունն են, եւ այս տոնը մայրերի նկատմամբ մեր ողջ հասարակության սիրո ու երախտագիտության խոստովանությունն է:
Սիրելի՛ տիկնայք,
Կրկին շնորհավորում եմ ձեզ գարնանային այս գեղեցիկ տոնի առթիվ եւ մաղթում, որ միշտ լինեք սիրված ու երջանիկ, մեծացնեք առողջ ու արժանավոր զավակներ»:
