Հայաստանը եղել է և մնում է Բելառուսի համար հուսալի գործընկեր, որի հետ մեզ կապում է բազմապլան համագործակցությունը, այդ թվում նաև ԵԱՏՄ-ում և ՀԱՊԿ-ում: Այս մասին հայտարարել է Բելառուսի նախագահ Ալեքսանդր Լուկաշենկոն՝ ընդունելով ՀՀ դեսպան հավատարմագրերը:
Լուկաշենկոն խոսել է երկու երկրների միջև առևտրատնտեսական համագործակցության ծավալներն ընդլայնելու վճռականության մասին՝ պատրաստակամություն հայտնելով մասնակցել ցանկացած նախագծի, այդ թվում նաև Հայաստանում, որը կբխի հայ գործընկերների շահերից:
