Փարիզի սրճարաններից մեկում ամերիկացի լրագրողը հեռախոսազրույց է ունեցել ԱՄՆ նախագահ Դոնալդ Թրամփի հետ։ Այս մասին հայտնում է «The Washington Post»-ը։
Նշվում է, որ լրագրող Դեն Բալցը Փարիզի սրճարաններից մեկում ընթրիքի ընթացքում գործընկերոջ հետ բարձրաձայն քննարկել է ամերիկյան քաղաքականությունը, երբ կողքի սեղանին նստած տղամարդը մեկնել է հեռախոսը և առաջարկել անձամբ խոսել ԱՄՆ նախագահի հետ:
Նշվում է նաև, որ խոսակցության ընթացքում Թրամփը կարծել է, որ զբոսաշրջիկի հետ է զրուցում, սակայն հետո է իմացել, թե ում հետ է իրականում զրուցել:
Բալցի խոսքերով, Թրամփի հետ հեռախոսազրույցը տևել է ավելի քիչ, քան երկու րոպե, սակայն վերջինիս հաջողվել է իրեն հետաքրքրող հարցերը տալ։
