Տարիներ անց Տիգրան Սարգսյանին կհիշեն որպես մեծ ռեֆորմատորի, ապրիլի 8-ին լրագրողներին հայտնել է Հայրենական ապրանք արտադրողների միության նախագահ Վազգեն Սաֆարյանը: Նա հիշեցրել է, որ 2011թ. հենց Տիգրան Սարգսյանի կառավարությունը արդյունաբերության զարգացման հայեցակարգ ընդունեց, այն դեպքում, երբ նախորդ կառավարությունների նախընտրում էին չանհանգստանալ ռեալ սեկտորի ճակատագրի մասին:
Ի պատասխան հարցին, թե ինչու Տիգրան Սարգսյանն արմատախիլ չարեց օլիգոպոլիաները եւ մոնոպոլիաները, Սաֆարյանը նշել է, որ վարչապետը կախարդական փայտիկ չուներ, նրա ստորագրություն էլ ամենակարող չէր: «Նա չէր կարող գրչի մի շարժումով տնտեսությունն ազատագրել մոնոպոլիաներից, չէ որ դրանցից ամեն մեկի թիկունքում մեծ մարդիկ են կանգնած: Բայց նա նման աշխատանք տանում էր»:
Նշենք, վարչապետ Տիգրան Սարգսյանը հրաժարական է տվել ապրիլի 3-ին: Հանրության մեջ նրա որոշումը կապում են պարտադիր կուտակային կենսաթոշակային համակարգի դեմ բողոքների հետ:
