Խորհրդարանական ոչ կոալիցիոն չորս ուժերը մտադիր են ապրիլի 12-ին տնտեսական համաժողով կազմակերպել, որի ընթացքում կքննարկվի ապագա կառավարությանն առաջարկվելիք տնտեսական ծրագրի նախագիծը: Այս մասին ապրիլի 9-ին լրագրողներին հայտնել է ԲՀԿ-ական պատգամավոր Ստեփան Մարգարյանը:
Ըստ նրա՝ նախագիծն արդեն պատրաստ է եւ ներկայացվելու է ապրիլի 12-ին: Այդ մասին տեղեկատվություն կտարածվի նախապես:
Նշենք, որ այսօր խորհրդարանական չորս խմբակցությունները նիստ են անցկացնելու, որի ընթացքում քննարկվելու են ինչպես համաժողովի կազմակերպչական հարցեր, այնպես էլ դրա օրակարգը: