Ռուսական բանակում մարտական բազմաֆունկցիոնալ ռոբոտ է հայտնվել՝ «Уран-9» անունով: Այս մասին հայտնել է Կալաշնիկով կոնցերնի գլխավոր տնօրեն Վլադիմիր Դմիտրիևը, փոխանցում է ՌԻԱ Նովոստին:
Դմիտրիևը նշել է, որ այս պահին ավարտին է հասնում ռոբոտների առաջին խմբաքանակի արտադրությունը: Մեխանիզմը լրամշակվելու է Սիրիայում կայանալիք փորձարկումների արդյունքում:
2018 թվականի ամռանը ՌԴ Պաշտպանության նախարարությունը հայտնել էր, որ ռոբոտը դեռ պատրաստ չէ Սիրիայում փորձարկմանը, քանի որ մի շարք թերություններ են հայտնաբերվել:
