Աջափնյակ համայնքում մետրոյի երկու կայարան կկառուցվի: Այսօր՝ հունվարի 24-ին, լրագրողների հետ հանդիպման ժամանակ հայտարարեց Երևանի գլխավոր ճարտարապետ Արթուր Մեսչյանը:
Մեսչյանը հայտարարեց, որ մետրոյի կայարաններ կառուցելը մեծ ծախսերի հետ կապ ունի, դրա համար դեռ սահմանափակվելու են Աջափնյակը քաղաքի հետ կապելով, սակայն հետագայում այն կշարունակվի՝ հասնելով Դավթաշեն:
Երևանի գլխավոր ճարտարապետը ևս մեկ լավ լուր հայտնեց: Խոսքը վերաբերում է ճոպանուղուն, որը քաղաքի կենտրոնը կկապի Նոր Նորքի հետ: Ճոպանուղու վրա երկու կախված մոդուլ չի լինելու, այն բազմամոդուլ պետք է լինի, որպեսզի աշխատի որպես տրանսպորտ:
Մեսչյանի խոսքերով, հնարավոր չէ Նոր Նորք մետրո հասցնել, դրա համար պետք է հարցը լուծվի ճոպանուղու միջոցով, որի ամեն մոդուլը պետք է տեղավորի 12-ից 14 մարդ:
