Արարատի մարզպետ Գարիկ Սարգսյանը, Ազատության հետ զրույցում խոսելով մարզում կոկորդիլոս բուծելու ծրագրերի մասին, հայտարարել է, որ որոշակի բարդություններ կային այդ հարցում, սակայն դրանք հաղթահարված են:
Սարգսյանի խոսքերով, ներդրողի՝ Հայաստան գալու հետ կապված խնդիրներ կան. «Նա Տանզանիայից է, վիզա չէինք կարողանում տրամադրել Զվարթնոց օդանավակայանում: Ես գրությամբ դիմել եմ ԱԳՆ, որպեսզի կոնկրետ այս ներդրողի մասով վիզա տրամադրվի»:
Մարզպետը նշել է, որ որոշ խնդիրներ կային նաև ՊԵԿ-ում. «Մեր գործընկերները չէին կարողանում կոկորդիլոսի ձվի բնորոշումը տալ՝ այն թռչնի՞ է, թե՝ կենդանու: Այս պահին բոլոր խոչընդոտները հաղթահարված են, և մենք սպասում են ներդրողի Հայաստան գալուն»: